आयो ‘फागु’ टिजर र गीत : छवि ब्यानर बाहिर शिल्पालाई चुनौति !

अभिनेत्री शिल्पा पोख्रेलले पहिलो पटक निर्माता छविराज ओझाको भन्दा बाहिरी ब्यानरमा काम गरेकी छिन् । लामो समयपछि अभिनेत्री करिश्मा मानन्धरले निर्माण गरेको फिल्म ‘फागु’मा शिल्पा शिर्ष भूमिकामा छिन् । शिल्पाका लागि यो फिल्म चुनौती पनि छ । निर्माता छविराज ओझाको ब्यानर पाएर शिल्पाको फिल्म चलेको भन्नेहरु पनि छन् । यसैले, करिश्माका लागि त ‘फागु’ चुनौती छ,नै  शिल्पाका लािग पनि कम छैन ।

छठ पर्वको अवसर पारेर फिल्मको ट्रेलर र गीत सार्वजनिक गरिएको छ । ट्रेलरमा शिल्पा हाबी छिन् । फिल्ममा शिल्पालाई नव अभिनेता सुवास पराजुलीले साथ दिएका छन् । राजेश हमाल र गौरी मल्ल पनि फिल्ममा देखिएका छन् ।फिल्म फागुन ७ गतेबाट प्रदर्शनमा आउँदैछ । फिल्मको एक गीत पनि ट्रेलरसँगै सार्वजनिक गरिएको छ । ‘दुई आ“खा चार भो’ बोलको गीतलाई बसन्त सापकोटाले मिठो  संगीत भरेका छन् ।

                 

  दयाराम पाण्डेको शब्द, प्रल्हाद तिमिल्सिना र मीना निरौलाको स्वर यो गीतमा छ । छविराज ओझालाई शिल्पाले छाडेर करिश्मासँग काम गरेपछि उनी र छविको सम्बन्धमा दरार आएको चर्चा पनि चलेको थियो । तर, शिल्पाको यसै बर्ष छविको ब्यानरमा अभिनय गरेको फिल्म ‘किस्मत २’ पनि प्रदर्शनमा आउँदैछ ।

(स्रोत फिल्मी खबर)