पूजनाको चकलेट पूजानाकै लागि चुनौती ...बालबालिकाको कथा बोल्ने छ् चकलेटले

पूजना प्रधान एक समय निकै चर्चामा आएकी अभिनेत्री हुन् । तर, पछिल्लो समय उनको चर्चा चलचित्रमा कमै हुन्छ । फिल्म भन्दा पनि म्युजिक भिडियोमा पूजनालाई दर्शकले देख्न पाउँछन् त्यो पनि अक्कल झूक्कल ।

अब भने उनै पूजना आफ्नै फिल्म मार्फत पर्दामा आउँदैछिन् । आफ्नै लगानी रहेको फिल्म ‘चकलेट’ यही मंसिर १८ मा रिलिज हुँदैछ । सामाजिक सन्देश बोकेको सडक बालबालिकाको कथा बोल्ने ‘चकलेट’ पूजनाको लागी अबसर र चुनौती दुबैको रुपमा लिईएको छ । किनकी अन्य निर्माता निर्देशकको नजरमा तथा अन्य ब्यानरको फिल्मको लागी अभिनय कलालाई जिवितै राख्नको लागी पनि उनको अभिनयले खास अर्थ राख्ने देखिन्छ । लामो समयको अन्तरालपछि आफ्नै फिल्म मार्फत पर्दामा आँउँदै गरेकी पूजना चम्केलिन् या नचम्केलिन् त्यो भने रिलिजपछि पक्का थाहा होला ।

हाँस्य कलाकार निर्मल शर्मा गैंडाले निर्देशन गरेको यो फिल्मबाट उठेको रकम पनि सामाजिक कार्यमा नै खर्चिने निर्माण टिमले यसअघी नै बताईसकेको छ । फिल्ममा पूजनासँगै आयुष्मान घिमिरे, नम्रता झा, अनुज शाक्य, सुमन गैरै, केशब भट्टराई, सुनिता ठाकुरलगायतको अभिनय छ । फिल्ममा खुसी गुरुङ र केशव तामाङले समेत लगानी गरेका छन्।