भिडियोमा आयो पूजाना र प्रदीपको प्रेम ..

फिल्म ‘प्रेमगीत’को ‘म यस्तो गीत गाउँछु’ बोलको रोमान्टिक गीत सार्वजनिक भएको छ । राजधानीमा एक कार्यक्रम गर्दै निर्माण पक्षले फिल्मको प्रेमिल गीत सार्वजनिक गरेको हो ।

सार्वजनिक गीतमा शब्द र संगीत अर्जुन पोखरेलको छ भने सुगम पोखरेल र अञ्जु पन्तले गीतमा स्वर भरेका छन् । रेनशा राईले कोरियोग्राफी गरेकी हुन् । 

प्रेम दिवसको छेको पारेर माघ २९ गते रिलिज हुने फिल्मको यस गीतमा मुख्य पात्र पूजा शर्मा र प्रदीप खड्काले अभिनय गरेका छन् । फिल्मलाई सुदर्शन थापाले निर्देशन गरेका हुन् भने सन्तोष सेनले निर्माण हुन।

राजधानीमा आयोजित प्रेसमिटमा निर्माण कम्पनीले यो गीतको कभर गीत गाएर अपलोड गर्नेहरु मध्ये उत्कृष्ट एकलाई एक लाख रुपैया पुरस्कार प्रदान गरिने जानकारी दियो ।