सांगीतीक क्षेत्रमा चर्चा कमाउदै हेमन्त, शिशिरको बेहुला–बेहुली

-गोपाल सुवेदी

पछिल्लो समय नेपाली सांगीतीक क्षेत्रमा नयाँ– नयाँ गीत, संगीतहरु आईरहेका छन् । यस क्षेत्रमा कलाकारहरुको उपस्थीती दिनप्रतीदिन बढीरहेको छ । सुदुरपश्चिमबाट पनि सांगीतीक क्षेत्रमा थुप्रै कलाकारहरु एवम् गीत संगीतको प्रवेश भएको पाईन्छ । यतीखेर नेपाली सांगीतीक बजारमा बेहुला–बेहुली बोलको गीतले चर्चा कमाईरहेको छ । कैलालीको अत्तरियाका हेमन्त आचार्य र शिशिर आचार्यले आफ्नो पहिलो प्रस्तुतीको रुपमा केहि महिना अगाडि मात्रै बेहुला–बेहुलीलाई दर्शक एवम् स्रोता माझ ल्याएका थिए । यस गीतमा हेमन्त आचार्यको शब्द र स्वर रहेको छ भने उनकै भाई शिशिर आचार्यको संगीत रहेको छ । यो  गीत पप शैलीमा रहेको छ ।

 

 भारतमा साउण्ड ईन्जीनियरीङ अध्ययन गरेर नेपाल फर्किएका संगीतकार शिशिर अहिले काठमाण्डौमा शास्त्रीय संगीत अध्ययन गरिरहेका छन् । गायक हेमन्त पनि केहि समय भारतमै संगीत कला अध्ययन गरेर नेपाल फर्किएका हुन् । छोटो समयमै गीत मार्फत् राम्रो प्रतीक्रिया पाएपछि निकै खुसी भएको र थप उर्जा मिलेको गायक हेमन्तले बताए । सुदुरपश्चिमलाई गीत, संगीतको माध्यमबाट पनि राष्ट्रिय स्तरमा चिनाउन सकिने भन्दै गायक हेमन्तले आगामि दिनमा विभिन्न प्रकारका गीत, संगीत दर्शक एवम् स्रोता माझ ल्याउने योजना रहेको बताए । नेपाली सांगीतीक क्षेत्रमा केहि फरक पन ल्याउन आफु सधै तल्लीन रहेको बताउदै गायक हेमन्तले केहि महिना पछाडि फरक शैलीको गीत दर्शक एवम् स्रोताहरु माझ ल्याउने तयारी भईरहेको बताए ।