राजेश होइनन् भूवन ‘महानायक’, गैडा भन्छन्-‘यूवतीतर्फ ध्यान कम दिनुहोस्’

नेपाली चलचित्र क्षेत्रमा राजेश हमाललाई ‘महानायक’ भन्ने गरिन्छ । राजेशलाई नेपाल चलचित्र प्राविधिक संघले ‘महानायक’को उपाधी पनि दिइसकेको छ । तर, राजेश हमाललाई यो उपाधी दिनु हुन्छ कि हुँदैन भन्ने बहस चलचित्र क्षेत्रमा चल्दै आएको छ ।
राजेश हमाललाई ‘महानायक’ भन्न थालिएपछि नायक भूवन केसीले यो बिषयमा थुप्रै पटक आपत्ती पनि जनाएका छन् । उनले राजेशको नाम नलिई घुमाउरो शैलीमा असफल चलचित्र दिने कसरी ‘महानायक’ हुन्छन् पनि भन्ने गरेका छन् ।
नेपाली चलचित्रका पुराना निर्माता, चर्चित कलाकार तथा निर्देशक निर्मल शर्माले नायक राजेश हमाललाई नभई आफूले भूवन केसीलाई ‘महानायक’ भन्ने बताएका छन् ।
उनले भूवन केसीले थुप्रै हिट चलचित्र दिएको बताउँदै भने-‘मेरो आमालाई अहिले पनि भूवन केसीको चलचित्र याद छ । उहाँ राजेश हमालका चलचित्रको नाम भन्न सक्नुहुन्न ।’ निर्मलले राजेशलाई लिएर बनाएका ३ चलचित्र पूर्ण रुपमा असफल भएका थिए ।
उनले भूवन केसीलाई चलचित्रका बिषयमा जुनियर चलचित्रकर्मीलाई सिकाउन आग्रह गर्दै यूवतीतर्फ कम ध्यान दिन पनि आग्रह गरेका छन् ।