प्राय पहिलो फिल्म खेल्ने अभिनेता तथा अभिनेत्रीको अगाडी डेब्यू झुन्ड्याइन्छ । यसपछि भने उनीहरूको डेब्यूको ट्याग बादलिन्छ । नयाँँ अभिनेता नयाँँ अभिनेत्री बिस्तारै पूराना हुँदै जान्छन् । कोही टिक्छन् भने कोही हराउँदै जान्छन् ।
तर, ४ वटा फिल्म खेलिसकेकी अभिनेत्री पूजा शर्मालाई भने आफू डेब्यू जस्तो लाग्न थालेको छ । कारण, उनले अभिनय गरेको फिल्म 'प्रेमगीत'मा उनी डेब्यू अभिनेत्री जस्तो देखिएकी छिन् । पूजालाई यो अनुभव अरुले भनेर भएको होइन, आफै आउन थालेको हो ।
हुनत, पूजालाई 'प्रेमगीत' डेब्यू फिल्म हो भन्दा पनि फरक पर्दैन । कारण, उनले अभिनय गरेको पहिलो फिल्म 'थ्री लभर्स'देखि 'मधुमास' हुँदै 'चंखे शंखे पंखे'सम्म आइपुग्दा सबै चिप्लिए ।
सायद, 'प्रेमगीत'को जस्तो रेस्पोन्स पूजाले यस अगाडि कहिल्यै नपाएको हुनसक्छ । डेब्यू भनेरै चिनिन चाहने हो र सफलता पाउने हो भने पूजा डेब्यू अभिनेत्री नै सहि ।
No comments:
Post a Comment