आधा पेज’मा देखियो सलोन, रिस्ता र रुपेशको नाता (फस्टलुक सहित)

समुन्द्र भट्टको निर्देशनमा बन्न लागेकोम चलचित्र ‘आधा पेज’ को फस्ट लुक सार्वजनिक गरिएको छ । तिहारको अवसर पारेर यो चलचित्रको फस्टलुक सार्वजनिक भएको हो । फस्टलुकमा चलचित्रका मुख्य कलाकारहरु सलोन बस्नेत , रिस्ता बस्नेत र रुपेश न्यौपाने अटाएका छन् ।

यसरी हेर्दा यो चलचित्र त्रिकोणात्मक हुने अनुमान लगाउँन सकिन्छ । रुपक न्यौपानेको प्रस्तुतीमा परी फिल्मसको ब्यानरमा निर्माण भएको यो चलचित्रलाई लीला बहादुर न्यौपाने र ज्ञान बहादुर न्यौपानेले निर्माण गरेका हुन् । पुष १० गतेबाट प्रर्दशनमा आउँने भएको ‘आधा पेज’ युवाहरुलाई लक्ष्ति गरी निर्माण गरिएको चलचित्र हो ।

चलचित्रमा सलोन, रिस्ता,रुपेशसंगै बिपना बस्नेत , दिपक क्षेत्री , सुरज आरडी लगायतका कलाकारहरको अभिनय रहेको छ ।