'लुटेरा' चर्चामा रहदा पनि निसा किन अाइनन चर्चामा?

तिहार रिलिज गोपाल कायस्थको लगानी रहेको फिल्म ‘लुटेरा’ले दर्शकको राम्रो साथ पायो र पाईरहेको छ । फिल्म रिलिज पहिले र त्यसपश्चात पनि ‘लुटेरा’लाई जोडेर एक्सन स्टार निखिल उप्रेतीको मात्रै जस्तो चर्चा भयो । लामो समयपछि ‘भैरव’ मार्फत पर्दामा पुनरागमन गरेका निखिलको स्टारडम जिवितै रहेको चर्चा भईरहँदा सोही फिल्मका अन्य कलाकारको भने चर्चा नै हुन सकेन ।

अहिले पनि फिल्मकी लिडिङ अभिनेत्री निशा अधिकारीको अभिनय भन्दा पनि मुडुलाएको टाउकोको मात्रै बजारमा चर्चा छ । त्यसैले ‘लुटेरा’ अभिनेत्री निशाले फिल्म चल्दा पनि खासै चर्चा र तारिफ भेटेकी छैनन् । यसअघी गतवर्ष रिलिज ‘मुखौटा’ सुपर फ्लप हुँदा चर्चामा आएकी निशा ‘लुटेरा’ हिट हुँदा पनि कसैको तारिफको पात्र बन्न सकिनन् ।

हुन त नेपाली फिल्म मात्र होईन बलिउड होस् या हलिउड जहाँ पनि अभिनेत्रीको भन्दा पनि अभिनेताको अभिनयको बढि तारिफ हुन्छ र स्टारडमको पनि मुल्याङ्कन हुन्छ । हिट फिल्ममा महत्वपुर्ण पाटो बनेका अभिनेत्रीको चर्चा कमै हुन्छ, ‘लुटेरा’ चल्दैगर्दा पनि निशा मामिलामा यही भएको हुनसक्छ ।

अर्को तर्फ फिल्मको छायाँकनको क्रममा पनि 'ल्याङ-ल्याङ' गर्दै निर्माण टिमलाई समय नदिएर कहिले अमेरिका त कहिले हिमाल चढ्न अफ्रिका हानिएकी निशालाई हिट बन्दा पनि निर्माण टिमले दिल खोलेर तारिफ गरेको छैन् । मात्रै नाम आईरहेको छ, निखिल अनि निखिल । के निखिलसँग फिल्म खेल्नु निशाको गल्ती थियो ? या, दर्शकलाई दम दिने अभिनय निशाले गर्न सकिनन् ? अर्को प्रश्न उब्जेको छ ।

‘लुटेरा’ चल्दैगर्दा पनि निशालाई के फाईदा भयो त्यसको पनि हिसाब सुरु भएको छ । के यो फिल्मको लागी लिएको पारिश्रमिक मात्रै उनको मन बुझाई बन्यो अथवा यसको प्रभाव हेरेर अन्य निर्माता निर्देशकले आफ्नो फिल्ममा निशा खोज्छन्, त्यो भने समयले बताउला ।