‘चकलेट’ले पाल्ने भो अनाथ बालबालिका

अभिनेत्री पूजना प्रधानले निर्माण गरेको फिल्म ‘चकलेट’ मंसिर १८ गतेबाट चल्दैछ । आम फिल्मले झैं यो फिल्मले द्धन्द्ध र प्रेमको वासी कथा पस्कने छैन । सडक बालबालिकाको कथामा बनेको यो फिल्मले सन्देश दिनेछ । हाँस्य कलाकार निर्मल शर्माले पहिलो पटक निर्देशनमा हात हालेकाले पनि उनका लागि विशेष चुनौती बनेको छ यो फिल्म । यो फिल्मले जति कमाएपनि त्यो रकम च्यारेटीका लागि खर्च हुने भएको छ । अभिनेत्री तथा निर्मात्री पूजना प्रधानका अनुसार फिल्मबाट उठेको रकमले काठमाण्डौमा भवन र कक्षा १० सम्म ५० जना विद्यार्थीले पढ्न सक्ने स्कुल बनाइनेछ ।पूजनाले ५० जना अनाथ तथा असाहय बालबालिकालाई पढाउने, खुवाउने र पाल्ने जिम्मा लिन लागेको बताइन् ।

चकलेटको ट्रेलर हेर्नुस् 

यसैले पनि फिल्म जति धेरै दर्शकले हेर्छन् त्यती नै पुण्य कामका लागि खर्च हुने पुजनाको भनाई छ ।फिल्म भित्र पूजनाको साथमा आयुष्मान घिमिरे, नम्रता झा, सुमन गैरे लगायतका कलाकारको भूमिका छ । केही बालबालिका अहिले नै पूजनाको साथमा छन् । केही बालबालिकालाई भने उनीहरुको अवस्था हेरेर राखिने पूजनाले बताइन् ।  (स्रोत फिल्मी खबर)