माघ २९ गते रिलिज हुने चलचित्र 'प्रेम गीत' को अडियो म्युजिक लन्च गरियो / २९ माघ मा हुने भो तीन फिल्म को भिडन्त

पोखरामा आयोजित एक फुटबल प्रतियोगिताको माहोलमा अडियो म्यूजिक लन्च गर्दै प्रेम गीत यूनिटले फिल्मको फष्टलुक पोष्टर पनि रिलिज गरेको छ ।

आउँदो भ्यालेन्टाईन्स् डे लक्षित  गर्दै प्रर्दशन हुन लागेको उक्त फिल्म सहित थप दुई फिल्म क्लासिक र चलेछ बतास सुस्तरी पनि रिलिज हुने भएकाले  प्रचार प्रसारलाई तीब्र बनाउँने गरी प्रेम गीत यूनिटले उक्त माहोलमा फष्टलुक रिलिज गरेको जनाएको छ ।

यस फिल्ममा सरोज खनाल, लक्ष्मी  गिरी र रुपा राना जस्ता चिर परिचित कलाकारहरु पनि प्रमुख भूमिकामा छन् तर पोष्टरमा चाँहि हिरोइन पूजा शर्मा र हिरो प्रदीप खड्कालाई मात्र प्रस्तुत गरिएको छ ।

प्रदीप फिल्म नगरीका लागि नयाँ हिरो  हुन भने पुजा स्थापित हुने क्रममा रहेकी नयाँ हिरोइन नै  हुन भन्दा फरक पर्दैन । निर्देशक सुर्दशन थापाको भनाई दोहर्याएर लेख्ने हो प्रदीपलाई आर्यन सिग्देल जस्तै स्टार बनाउँने गरी प्रेम गीतको  निर्माण भएको छ ।

(फिल्मको अडियो सिडी लन्च गर्दै मदनकृष्ण श्रेष्ठ, निर्देशक थापा, हिरो हिरोइन तथा निर्माता सन्तोष सेन, संगीतकार अर्जुन पोखरेल,चलचित्र बिकास बोर्डका अध्यक्ष राजकुमार राई, धिरेन शाक्य लगायत अन्य कलाकारहरु जर्सी पहिरनमा)

मेरो एउटा साथी छ बाट आर्यन सिग्देल लाई लिएर फिल्म निर्देशनमा उत्रिएका निर्देशक थापाले आर्यन संगको ईगो हर्टका कारण प्रदीपलाई यस फिल्मको हिरो बनाएको बताईन्छ ।

सन्दर्भ र प्रतिष्पर्धा कति सम्मको रोचक हुने देखिन्छ भने प्रेम गीत रिलिज हुनै दिनै आर्यनको पनि होम प्रोडक्सनको फिल्म क्लासिक रिलिज हुनेछ । यस्तै सो मितिमा आर्यन भर्सेस सुर्दशन थापाको टिम मात्र नभई चलेस बतास सुस्तरीको टिमले पनि आफ्नो प्रतिष्पर्धीका रुपमा सुर्दशन थापाको टिमलाई हेरेको हामीले बझेका छौ ।

तपाईंको नजर कता प्रेम गीतको  टिजर  

उता आर्यनका कारण क्लासिक टिमसंग सुर्दशनको टिमको  सम्बन्ध विग्रिएको छ भने यता चलेछ बतास सुस्तरी र  सुर्दशन थापासंग केही पर्सनल प्रब्लम छ त्यसैले माघ २९ को लडाई केबल ब्यावसायिक मात्र नभई जुंगाको लडाई पनि हुन सक्ने  हाम्रो ठम्याई छ ।

प्रेम गीतको अडियो जुक बक्समा  एक पटक नजर लगाउनुस् , सुन्नुस् मनै छुने गीत हरु