नेपाली रजतपटमा अर्खी नम्रताको आगमन

अभिनेत्री नम्रता श्रेष्ठको नाम गरेकी अर्की अभिनेत्रीले नेपाली फिल्म क्षेत्रमा पाइला टेकेकी छिन्। निर्देशक सुरज भुसालले निर्देशन गर्न लागेको तेस्रो फिल्म 'गाँठो'मा आवद्ध भएकी यी नम्रता श्रेष्ठलाई कलाकारहरु नाजिर हुसेन र अभय बरालले फिल्ममा साथ दिएका छन्।

पारिवारिक र लभ स्टोरीमा आधारित 'गाँठो'को सुटिङ भने आगामी फागुन २५ बाट पोखरा, गुल्मी र स्याङ्जा लगायत स्थानमा हुने जानकारी निर्देशक भुसालले दिए। 'पारिवारिक पृष्ठभूमिमा आधारित लभ स्टोरी फिल्मको कार्यशाला चलिरहेको छ । कलाकारहरुको कार्यशाला र अन्य तयारी सुरु भइसकेको छ,'उनले भने।

यसअघि माघको अन्तिम साताबाट रिलिज हुने भनिएको उनको दोस्रो फिल्म 'र्याग्स गाइज' अर्को वर्ष रिलिज हुने भएको छ । निर्देशक भुसालको कम्पनी बट–वाल इन्टरटेनमेन्टले 'गाँठो' फिल्म निर्माण गर्दैछ । फिल्मको सुटिङ एक महिना चल्नेछ । फिल्ममा अनुपम शर्माले संगीत दिएका छन् । पारिवारिक र लभ स्टोरीमा आधारित फिल्म भएकाले काम गर्न उत्साहित भएको हुँ । फेरि निर्देशक भुसालसँग यसअघि समेत काम गरिसकेको हुँदा काम गर्न सजिलो हुनेछ,'कलाकार नाजिर हुसेनले भने ।

  स्रोतNagariknews